Imvura nyinshi muri Kigali yatumye imihanda imwe ifungwa, ibikorwaremezo birangirika (Amafoto)

 igihe.com.

Imvura ikomeye yaguye mu bice bitandukanye bya Kigali, yatumye imihanda imwe n’imwe ifungwa kuko yari yarengewe n’amazi ku buryo abagenzi bahuriramo n’ibibazo.

Imvura yaguye kuri uyu wa Gatatu tariki ya 25 Ukuboza 2019, ku munsi mukuru wa Noheli, yatangiye ahagana saa moya z’umugoroba. Mu bice bitandukanye by’umujyi, umuriro wabuze umwanya muto ubwo iyi mvura yatangiraga kugwa ari nyinshi.

Ku rundi ruhande niko ibinyabiziga byaburaga uko bitambuka, yaba mu mujyi wa Kigali rwagati no mu nkengero zawo nka Remera n’ahandi kubera ubwinshi bw’amazi yari yuzuye mu mihanda.

Polisi y’Igihugu yaburiye abantu ku mihanda imwe n’imwe itari nyabagendwa kubera iyi mvura binyuze mu itangazo yanyujije ku rukuta rwayo rwa Twitter.

Yagize iti “Turabamenyesha ko kubera imvura nyinshi yateye umwuzure mu bice bimwe na bimwe by’Umujyi wa Kigali, imihanda Kimisagara-Nyabugogo, umuhanda wa Kanogo-Kimihurura n’umuhanda wa Poids Lourds ntabwo iri nyabagendwa muri aka kanya.”

Nko ku Kimihurura, mu marembo y’Ibiro bikuru bya RIB, imvura yagushije igiti biba ngombwa ko Polisi itanga ubufasha kugira ngo kivemo. Ahandi ni mu bice bya Nyabugogo aho havugwa ko imodoka yatwawe n’amazi, mu bice bya Shyorongi havugwa inzu nyinshi zasenyutse ndetse hakaba hari abantu bapfuye abandi bagakomereka n’ibindi.

Mu bice bitandukanye by’Umujyi wa Kigali cyane cyane mu bishanga ntiwamenya niba harigeze ibimera kuko hahindutse ibiyaga. Aha higanjemo aho leta iherutse gutegeka ko abahatuye bimuka bakajya gushaka aho bajya kuba.

Mu byumweru bibiri bishize nibwo ubuyobozi bw’Umujyi wa Kigali, bwatangiye gahunda yo gukuraho inyubako z’abatuye mu manegeka uhereye ku bo mu bishanga kugira ngo hirindwe ko bahitanwa n’ibiza.

Ni gahunda yahereye mu bishanga by’ahitwa ku Mulindi, Bannyahe, Muhima no mu Rwampara mu Murenge wa Nyarugenge.

Bamwe mu baturage bakuriweho ibikorwa bakunze kumvikana bijujuta bavuga ko batiyumvisha uburyo ubuyobozi buri kubasenyera inzu bukanabimura ku ngufu mu gihe bwari bwabahaye integuza y’iminsi 15.

Bavuga ko bahangayikishijwe n’ubuzima bwabo kuko batazi aho bagomba kwerekeza bo n’imiryango yabo. Hari n’abataratinyaga kuvuga ko ’babanye n’ibiza imyaka myinshi bityo leta itari ikwiye kubimura kuko bamenyereye kubana nabyo’.

Gusa ubu ibyo leta yagendeyeho ibimura bamaze kubona ko yabagiriye neza kuko yabakijije urwari rubategereje. Kwimura abari mu manegeka ni ukubahungisha ibiza biturutse ku mvura bikomeje guhitana abantu bahatuye, aho mu karere u Rwanda ruherereyemo ibipimo byerekanaga ko izagwa nyinshi kandi ikagira ingaruka.

Imibare yerekana ko mu mezi atatu ashize mu karere u Rwanda ruherereyemo ka Afurika y’Iburasirazuba, ibiza byahitanye abarenga 280, ndetse umwaka ushize mu Rwanda honyine hakaba harapfuye abarenga 250.

Minisitiri w’Ibikorwa by’Ubutabazi, Germaine Kamayirese, akavuga ko ‘imwe mu ngamba zafashwe ari ugukura abaturage mu manegeka, mu bishanga no mu nzira z’amazi yabatwara ubuzima’.

Ati “Ni igikorwa cyiza cyo kurengera ubuzima bw’abantu kuko kuba umuturage umwe yapfa ni igihombo gikomeye ku gihugu.”

Minisitiri w’Ibikorwa remezo, Amb. Gatete Claver, yongeyeho ko umwaka ushize uretse kuba ibiza byarahitanye ubuzima bw’abantu benshi byanangije ibikorwa remezo birimo imihanda, intindo, iteza inkangu ndetse isenya za ruhurura.

Yakomoje ku cyemezo cyo kwimura abaturage bari mu manegeka mu Mujyi wa Kigali, avuga ko ibarura ryerekana ko ibikorwa 7222 birimo inzu zirenga 5200 zo kubamo kandi ziri mu mazi ku buryo iyo hatagira igikorwa yari kubarengera.

Ati “Hatagize igikorwa twari kuzapfusha Abanyarwanda benshi, niyo mpamvu twakoze ibishoboka ngo turengere ubuzima bw’Abanyarwanda.”

Isesengura ryakozwe n’inzego z’ibanze mu gutegura igikorwa cyo kwimura abatuye mu manegeka, ryerekanye ko abari mu manegeka akabije ari nabo bakuwemo bagera hafi ku 6000.

Reba amashusho agaragaza uko byifashe mu bice bitandukanye by’Umujyi wa Kigali

IGIHE

@IGIHE

Kuri uyu mugoroba wo ku wa 25 Ukuboza 2019, imvura nyinshi iri kugwa mu bice bitandukanye by’Umujyi wa Kigali, aho hamwe na hamwe amazi yabaye menshi mu muhanda mu buryo butoroheye ibinyabiziga gutambuka.

Aha ni mu mujyi ku muhanda uva ku isoko werekeza i Nyamirambo.

Embedded video

35 people are talking about this

IGIHE

@IGIHE

Kuri uyu mugoroba wo ku wa 25 Ukuboza 2019, imvura nyinshi iri kugwa mu bice bitandukanye by’Umujyi wa Kigali, aho hamwe na hamwe amazi yabaye menshi mu muhanda mu buryo butoroheye ibinyabiziga gutambuka.

Aha ni mu mujyi ku muhanda uva ku isoko werekeza i Nyamirambo.

Embedded video

IGIHE

@IGIHE

Kimihurura, mu marembo y’ibiro bikuru bya RIB, imvura igushije igiti biba ngombwa ko Polisi y’Igihugu iza gutanga ubufasha. |IGIHE

Embedded video

See IGIHE’s other Tweets

IGIHE

@IGIHE

Kimihurura, mu marembo y’ibiro bikuru bya RIB, imvura igushije igiti biba ngombwa ko Polisi y’Igihugu iza gutanga ubufasha. |IGIHE

Embedded video

IGIHE

@IGIHE

Andi mashusho y’imvura nyinshi ikomeje kugwa mu Mujyi wa Kigali. |IGIHE

Embedded video

15

Twitter Ads info Mwiriwe neza! Muri ibi bihe by’imvura nyinshi,Ubuyobozi bw’Umujyi wa bukomeje gukangurira abaturage kwimuka no kwimura ibikorwa byabo mu bishanga no mu manegeka kuko ibiza bishobora gutwara ubuzima bwabo no kubangiriza ibikorwa.

Embedded video

Ubwo yari mu nama y’igihugu y’Umushyikirano ya 17, Perezida Kagame yikije cyane ku bijyanye n’abantu batuye mu bishanga no mu bice by’amanegeka, yumvikanisha ko ari inshingano za leta kubatuza mu bice bidashyira ubuzima bwabo mu kaga, anasaba ko abaturage bakwirinda gutura ahantu hatemewe.

 

Ibice bimwe biragoye kubitandukanye n’ibiyaga cyangwa imigezi minini

 

Imihanda yari yarengewe n’amazi ku buryo nta kinyabiziga cyanyuramo

 

Umuhanda wa Poids Lourds ni uku wari umeze

 

 

Polisi y’Igihugu yagize uruhare rukomeye mu gutabara abantu mu ijoro rishyira kuri uyu wa Kane, kuko yari mu bice bitandukanye ifasha abantu bari bafite imodoka ariko baheze mu muhanda hagati.

Aya mashusho aragaragaza uburyo yarokoye umugore wari mu muhanda w’ahazwi nko kwa Rasta, wari wagoswe n’amazi ari mu muhanda rwagati mu modoka ye yavuze uko avamo.

Richard Kwizera@Muzungu4

They risked their lives to save people from flood water caused by heavy downpour in !

Watch how this @Rwandapolice officer rescued a lady who had been trapped in her car at « Kwa Rasta » below the bridge along Poids lourds main road!

Embedded video

Mu bindi bice bitandukanye cyane mu muhanda uva i Nyabugogo werekeza mu bice bya Remera, imodoka za Coaster zari zahageze rwagati mu muhanda kubera uburyo amazi yari yabaye menshi. Ni imvura yibasiye inzu ziri mu bice by’amanegeka igera no mu nyubako z’imiturirwa nko mu Mujyi rwagati mu nyubako ya MIC.

 

Imvura yibasiye n’inzu zubatse ahantu hemewe, bigaragaza uburyo yari nyinshi

 

Iyi modoka yatwawe n’amazi ayiroha mu mugezi wa Nyabugogo

 

Moto nyinshi ba nyirazo bazisize bakiza ubuzima bwabo

 

Ahandi ibiti byagiye biriduka, ahegereye umuhanda bikawufunga

 

Ahenshi ibikorwaremezo byasenyutse bijya mu muhanda rwagati

 

Amabati mu bice bitandukanye yagiye aguruka yaba ayavaga ku nzu ziri kubakwa cyangwa se izamaze kuzura

 

Inzu zasenyutse mu bice bitandukanye bya Kigali

 

1,757 total views, 1 views today

Spread this story

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *