Dr Vincent Biruta yagizwe Minisitiri w’ububanyi n’amahanga n’ubutwererane

Ubwanditsi.

Mu mpinduka nshya za Guverinoma zabaye kuri uyu wa kane tariki 4 Ugushyingo 2019, Dr Vincent Biruta wari usanzwe ari Minisitiri w’ibidukikije yagizwe Minisitiri w’ububanyi n’amahanga n’ubutwererane, aho yasimbuwe na Dr Mujawamariya Jeanne d’Arc wari Ambasaderi w’u Rwanda mu Burusiya.

Ni impinduka zakozwe na Nyakubahwa Perezida wa Repubulika Paul Kagame, ashingiye ku biteganywa n’itegeko nshinga rya repubulika y’u Rwanda ryo mu 2003 ryavuguruwe mu 2015 cyane cyane mu ngingo yaryo ya 116.

Minisitiri w’Umutekano mu gihugu ni Gen Patrick Nyamvumba, Minisitiri wa Siporo ni Aurore Mimosa Munyangaju naho Minisitiri w’urubyiruko n’umuco aba Rosemary Mbabazi.

Abanyamabanga ba Leta

Umunyamabanga wa leta muri Minisiteri y’urubyiruko n’umuco ni Edouard Bamporiki, Umunyamabanga wa leta muri Minisiteri y’ubutegetsi bw’igihugu ushinzwe imibereho myiza y’abaturage ni Ignacienne Nyirarukundo.

Umunyamabanga uhoraho wa Minisiteri y’uburinganire n’iterambere ry’umuryango ni Assoumpta Ingabire, Umunyamabanga uhoraho wa Minisiteri ya Siporo ni Didier Shema Maboko, Umunyamabanga uhoraho wa Minisiteri y’ubutegetsi bw’igihugu ni Samuel Dusengimana

Abandi bayobozi bashyizweho ni Umuyobozi Mukuru w’inama nkuru y’amashuri makuru na za Kaminuza ni Dr Rose Mukankomeje, Umuyobozi Mukuru w’urwego rw’igihugu ngishwanama rw’inararibonye ni Tito Rutaremara naho umwe mu bagize urwego rw’igihugu ngishwanama, Marc Kabandana.

theinspirerpublications@gmail.com

16,046 total views, 3 views today

Spread this story

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *